دوغرو یول

میللی حاقلاریمیزی سسله ین دوشونجه لی فیکیرداشلاریمیزین بیر نئچه سی قیسا یا اوزون سوره لی حکم لرله محبوس اولوبلار ٬ محبوسلارین روحو گوجله نسین دئیه اونلارا مکتوب گونده رمک فیکرینه دوشدوم ٬ بو فیکیری باشقا یولداشلارلا آرایا قویدوم و به یه نیلدی. آشاغیدا اوخویاجاغینیز یازی یاخیندان تانیدیغیم ایکی محبوس فیکیرداشیم عابباس لیسانی و ریضا عابباسی یه گونده ریلمیشدیر٬ بونونلا هامینیزی بیر داها دوستاق فیکیرداشلاریمیزا مکتوب گونده رمه یه چاغیریرام.

داریخما قارتالیم ٬سوسما آماندیر         داغلارین اوستونده ن دومان اوته جک

دیرلی قارداشیم و فیکیرداشیم سایین عابباس بی لیسانی و ریضا بی عابباسی

سالام و خوش گوردوک

نئچه آیدیرکی ٬سیزین کیمی جان یولداشیمی گورمک حسرتس بیر سوخولجان کیمی ایچیمی یئییر.

آنجاق نه ائتمک بو بیر حیاتدیر و اوزوموزون به یندییمیز٬ آند ایچدیییمیز یول دور .

قارداش! سن دوستاق من آزاد اولسام دا اینان کی بو آزادلیق ساده جه جیسمس آزادلیق دیر و روحوموز همیشه کی کیمی دوستاقدیر.

دوشونجه لر بئینیمده

سئودا کونلومده دوستاق

آزادلیق بوغازیمدا

سوزلر آغزیمدا دوستاق

اللریمده کلپچه

آیاغیمدا قاندالاق

بئله بیر یاشاماقدان

تانریم نئجه قورتاراق

تانریم نئجه قورتاراق

 اما اینان کی ٬ قیسا یا خود اوزون عومروموزده معین قدر اولسادا بئله ٬اوز آزادلیغیمیزی میللتیمیزین آزادلیغی اوغروندا قوربان وئرمه ییمیز اولو تورک میللتیمیزین یادداشیندان هئچ زامان سیلینمه یه جک.

عزیز قارداشلاریم

سیزه حایاتینیزدا اوزون عومور و تئزلیک له آزادلیق آرزولاییرام و صبرسیزلیک له گله جک گوزه ل آزادلیق گونلریمیزی گوزله ییره م٬ اینانین کی یاخیندادیر همده چوخ یاخیندا.

ساغ اولون ٬اوپوره م سیزی